رواية القاسيان

نيرة: بمناسبة يوسف اخوكى، انا حساه كدا عينه من سهوة اختى

جودى: حاسة مش متأكدة ؟؟ 

نيرة: يعنى بجد

جودى: باينة اوى ان يوسف بيحب سهوة وهي-مو-ت عليها كمان

نيرة: ازاى

جودى: هو ايه ازاى، هو الحب يعرف وقت او اشخاص عاديين، عقبااالنا اما نكبر ونحب ونتحب احنا كمان 

نيرة: هههههههه

.....

دخل يوسف ومعاه سهوة الى الحديقة بتاعة الفيلا 

يوسف: مالك بتفكرى فى ايه

سهوة: مش عارفة بس خايفة من سما واللى معاها 

يوسف: انتى عارفة، انا مابفكرش فيهم اصلا، انا هعرف اقف قدامهم

سهوة بحب: وانا معاك

يوسف بإبتسامة: مش هقولك انتى بنت وانا خايف عليكى ولا حاجة من الكلام ده بالعكس انتى زيى بالظبط وهتبقى معايا

فرحت سهوة اوى بكلامه لانه ماقللش منها وحسسها انها قوية، مش بس كدا وانه كمان ضهر ليها وسند 

سهوة وقفت وسألت يوسف: يوسف انت بجد بتحبنى !! 

يوسف: كنت بحبك، دلوقتى بعشقك 

ابتسمت سهوة وقالت: يعنى مش هتسيبنى ابدا ابدا 

يوسف بنفس لهجتها: مش هسيبك ابدا ابدا

سهوة لأول مرة: بحبك 

فرح يوسف اوى بكلمتها لانها بادلته نفس الشعور والحب وقال ليها: هو انا السجن اثر على دماغى ولا انتى قولتى حاجة 

ضحكت سهوة: بقولك بحبك

يوسف: لا لا كفاااية بدل ما اقع منك، انا مش حمل الكلام ده 

سهوة بإبتسامة: وعد ان اى حرب هتخشها مع الناس دى هبقا معاك ؟

يوسف: امممممم، وعد يا ستى 

دخل عمر وجرى على يوسف وحضنه 

عمر: ياااه حمدالله على سلامتك يا وحش

يوسف: الله يسلمك، انت ايه اخبارك 

عمر: رجعت الشركة ياعم والصراحة بقت جميلة اوى وبص لسهوة 

يوسف بعصبية: جرا ايه يالا، سهوة هتبقى مراتى 

عمر: بجد الف مبرووووك، بس انا مش قصدى على سهوة 

يوسف: امال قصدك على مين 

فهمت سهوة قصد عمر وابتسمت 

عمر: هبقى اقولك بعدين 

يوسف: طيب انا من بكرا هاجى الشركة 

عمر: والناس دى ؟

يوسف: هيجو طبعا بس بعد يومين تلاتة اما بقا سما 

عمر: مالها دى كمان 

يوسف: هنفذ لها طلبها واجيبلها الفيلا واكتبها بأسمها 

عمر: بالسهولة دى

يوسف: هبقى افهمك بعدين انا فى دماغى ايه

عمر: طيب انا ماشى ونبقى نتقابل بكرا بقا

يوسف: اشطا، سلام

مشى عمر ودخل يوسف هو وسهوة جوا وقعدت سهوة شوية مع رباب ورأفت واسماء ويوسف وفضلوا يتكلموا وقامت سهوة هى ونيرة ومشيوا علشان اتأخروا وروحوا على البيت 

......

روحت سهوة وهى فرحانة اوى لان خلاص حبها هى ويوسف بقى معروف من الطرفين ويوسف وثق فيها وقالها انها هتبقى معاه فى اى حاجة 

وكذلك يوسف طلع اوضته وهو طاير من الفرحة وبيفكر فى سهوة بس قلق فرحته موضوع سما واللى معاها وجوازه من سما وهل هيعرف يتصرف ولا لا ؟؟

.....

تانى يوم قام يوسف وجهز نفسه ليوم شاق وطويل جدا سواء فى الشغل او مع سما اللى هيجيبلها الفيلا

وكذلك قامت سهوة وجهزت نفسها انها تروح الشغل بعد ما فطرت مع اختها وفعلا راحت، اول ما وصلت لقت يوسف داخل بعدها 

يوسف: اية الحلاوة دى، معقولة اول يوم فى الشركة يكون اول حد هو انتى 

سهوة: حبيبى انت هتشوفنى طول الوقت 

يوسف: يا بختى والله 

سهوة: احب اعرفك، دى ولاء صاحبتى والسكرتيرة الجديدة مكان المفعوصة التانية

يوسف: اهلا يا ولاء 

ولاء: اهلا يا بشمهندس

وفى اللحظة دى وصل عمر

عمر: السلام عليكم ايها الاحباب

يوسف: ايه يابنى انت داخل قبيلة قريش

عمر: وهو ابو لهب كان بيقول لأهل قريش السلام عليكم بردو 

يوسف: لا عمر اللى كان بيقول

عمر: استنى استنى بس، ماردتيش السلام ليه يا ولاء

ولاء بضيق: رديته فى سرى

عمر: خلى بالك رد السلام عليه حسنات اكتر من اللى رمى السلام اصلا 

ولاء: ما قولنا رديته فى سرى 

عمر: يلا طلعى المطوة وتعالى ادينى قطع فى وشى 

ولاء: حاضر يا بشمهندس

يوسف: ايييييه، قط وفار بيتخانقوا قدامى، اووووووو انا كدا فهمت، انت كان قصدك يا عمر امبارح لما قولت واتاريك بتقول على....

عمر: ايوة واخرس بقا عليك اللعنة

ولاء: قال ايه يا بشمهندس ؟؟

يوسف: لا لا ماتشغليش بالك، عمر ده بغبغان متحرك اصلا

عمر: طب ايه رأيك ان البغبغان ده خلص نص المشروع وجاى متأخر اصلا

سهوة: احم انا خلصته من اول يومين 

يوسف: شايف، ماسمعكش تنطق كلمة زيادة تانى 

دخلت سما اللى عاملة زى الشي-طان كل ما تدخل مكان تقلبه غم واول ما دخلت كله سكت وملامحه اتغيرت

سما بإبتسامة: ويلكم يا جم١عة، متجمعين كدا ليه

يوسف: وانتى مالك 

سما: الله جاية اتطمن على جوزى حبيبى

يوسف: انا ولا جوزك ولا حبيبك، انتى هتكررى الكلام ده تانى ؟؟

سما: طيب يا بيبى اتفاقنا

يوسف: بعد الشغل هاجى واشترى الفيلا، فى فيلا معينة ولا اى حاجة !

سما: لا فيه معينة، شكلك حلو النهاردة يا سهوة 

سهوة: ومين قالك تكلمينى او انى مستنية رأيك اصلا

سما: انتى مالك

سهوة: الحمدلله كويسة

سما بغيظ: هستناك بعد الشغل الساعة 5 يا حبيبى مستنياااك

يوسف بضيق: فى داهية