رواية القاسيان
وفضلو يتكلموا ويضحكوا فجأة رن تليفون يوسف وكانت الاغنية اللى حاططها نغمة هى اغنية [لأ لأ تبقى معدية، سلمش عليا لأ لأ]
ضحكت سهوة من الاغنية اللى حاططها ومسك يوسف الموبايل لقى اللى بيتصل سما
يوسف: يادى القرف، هى ناقصة غم
رأفت: مين يا يوسف
يوسف: حد رخم كدا سيبك سيبك
مارضيش يقول انها سما علشان عارف ان سهوة هتضايق وفضلوا يكملوا اكل وفجأة جرس الفيلا رن وقامت الشغالة تفتح
ودخلت سما وهم بياكلوا
سما: الف حمدالله على سلامتك يا بيبى
يوسف بعصبية: انتى ايه اللى جابك هنا !!
سما بدلع: ايه يا حبيبى، انت نسيت ولا ايه
يوسف رد بعصبية: بقولك ايه اللى جابك هنا !!!
سما بدلع وهى بتبص لسهوة: جاية لجوزى يا يوسف، مش انت جوزى حبيبى بردو ولا ايه !!!
رواية القاسيان الفصل الثاني ع
___________________
يوسف رد بعصبية: بقولك ايه اللى جابك هنا !!!
سما بدلع: جاية لجوزى يا يوسف، مش انت جوزى حبيبى بردو ولا ايه !!!
اتصدمت سهوة من رد سما وحاولت ماتبينش ده قدامهم وكل اللى قاعد اتص-دم
يوسف رد بعصبية: انتى عارفة كويس اوى انا اتجوزتك ليه، تهديدك يا قطة بس بصراحة عرفتى تكسرينى، انا اتجوزتك علشان اخرج من التهمة اللى لبستيهالى انتى واللى معاكى
سما: خلصت كلامك !!!، طب الشيك اللى انت كتبتهولى هيتصرف بعد بكرا فبقى الفيلا اللى قولتلك عليها تيجى وتتكتب بأسمى وساعتها هديلك الشيك
يوسف: بكرا هاجى اجيبلك الفيلا
سما بدلع وهى بتبص لسهوة: وهتسيب مراتك حبيبتك يوم بحاله ؟
يوسف: بقولك غورى بدل ما اصور ق-تيل دلوقتى
ضحكت سما وقالت: ماشى يا سوفة همشى بس مستنياك، باى باى
ومشيت سما ورجع قعد تانى على السفرة وهو حاطط ايديه الاتنين على وشه
رباب: هى دى اللى قالتلك تبيع الارض وتتجوزها مقابل انك تخرج ؟
يوسف: ايوة هى يا ماما
رأفت بإستغراب: اتجوزتها امتى ؟
يوسف: جاتلى امبارح الصبح بزيارة ومعاها مأذون وشهود قال ايه خايفة اضحك عليها، بنت ال.....
اسماء: وهتكتبلها الفيلا ولا ايه
يوسف: هكتبلها الفيلا ايوة اللى هشتريها وهاخد الشيك
رأفت: البت دى هتفضل لاوية دراعنا كدا ؟
يوسف: ماتقلقش يا بابا انا عارف كويس اوى هعمل معاها ايه هى واللى معاها بس هسمع كلامهم فى الاول كدا وهرفض الغى المشروع وهعمل اللى قالى عليه المقدم محمد
خلصوا اكل وقاموا، رأفت قام يجيب حاجة ورباب طلعت تشوف موبايلها اللى بيرن فوق
يوسف: مالك ؟
سهوة: مفيش
يوسف: زعلانة علشان اتجوزت سما !!
سهوة بضيق: انت اتجوزتها ليه، مش قولت هتضحك عليها زى ما اتفقنا !!
يوسف: مانتى سمعانى اهو وانا بتكلم يا سهوة، حطتنى قدام الامر الواقع امبارح ومكانش قدامى اختيار تانى
سهوة: امممم ماشى
يوسف ابتسم: خلاص بقا عرفنا انك بتغيرى
سهوة: اه بغير استريحت
يوسف: حلاوتك
اسماء: بتتوشوشوا على ايه يا يوسف انت وسهوة
يوسف: هاااا....لا كنت بقولها منورة
اسماء: طيب سيبهالى بقا علشان عايز اكلمها، تعالى يا سهوة عايزاكى فى الاوضة دى
سهوة بإبتسامة: حاضر
يوسف: ايه يا سوسو انتى هتخطفيها وتمشى، ما تسيبيها هنا شوية
ضحكت سهوة
اسماء: بس يا لمض
يوسف: حاضر يا سوسو
اسماء خدت سهوة ودخلت اوضة
اسماء: انتى اول واحدة بعد يوسف يدخل الاوضة دى، كلهم بيتشائموا منها اصلها فيها ذكراياتى كلها...صور...مذكرات..كل حاجة
سهوة: هو حضرتك كاتبة مذكراتك
اسماء: ايه حضرتك دى، مش قولتلك قولى يا سوسو
سهوة: معلش يا سوسو
اسماء: ايوة كدا، ايوة كاتبة مذكراتى من وانا صغيرة
وحكيتلها على قصة الحب اللى مرت بيها
اسماء بحزن: وفى يوم كنا راكبين العربية رايحين نتفسح انا وهو ورباب بنتى ويوسف ابنى وعملنا حادثة راح فيها وراح يوسف ابنى فيها، كنت هموت ساعتها، انا ورباب اللى نجينا بس من المoت، كنت كل يوم افتكرهم اتقطع عليهم مالقتش حاجة اعملها غير المذكرات، كتبت مذكراتى وكل يوم يعدى بقعد اكتب فيها
سهوة حست بالحزن جامد: اسفة لو كنت فكرتك
اسماء: لا يا سهوة انا اللى حبيت احكيلك علشان استريحتلك وقعدت مع يوسف قبل ما يحصل اللى حصل وقالى انك طيبة ومحترمة ومش زى اى بنت عرفها قبل كدا، يوسف بيحبك يا سهوة
سهوة بإبتسامة: عارفة يا سوسو
اسماء ابتسمت: وانتى يا سهوة
سهوة: انا ايه
اسماء: وانتى بتحبيه ؟
سهوة بحزن: اكدب عليكى لو قولتلك لا... انا بحبه فعلا بحبه اوى كمان، فى الاول كنت بصده علشان زمان حصل معايا موقف كدا بس ماقدرتش على قلبى..حبيت يوسف، وقف جمبى وكان ضهرى
اسماء: ايه الموقف اللى حصل معاكى زمان!!
سهوة ردت بحزن: وانا فى الكلية واحد حبنى واعترفلى وانا حبيته جدا وكنا بنحب بعض بس مكانش يعرف عنى حاجة وفى يوم قالى انه هيجى يخطبنى وعايز العنوان قولتله انى فقيرة وعايشة فى منطقة وحشة وقليلة وحالتى على قدها وبيتنا صغير، لما عرف اتغير مية وتمانين درجة وفضل يقول كلام ويتهرب وانه مايسمحش لمستواه يقول لأهله وانه ماينفعش ومش عارف ايه وسابنى، كنت بمو-ووت ساعتها بس قولت فى الاول وفى الاخر لو كان الخير على ايده مكانش هيسبنى وانه فعلا مكانش بيحبنى
اسماء بحزن: ربنا يك-سره زى ما ك-سر قلبك
سهوة غيرت الموضوع: بس حلوة اوى الصور
اسماء: دى بقا الاوضة اللى حاطة فيها كل حاجة للذكريات ومحدش بيخشها غيرى انا ويوسف بس واديكى تالت واحدة اهو
نادى يوسف بصوت عالى وبعدها دخل الاوضة
يوسف: الله الله جرا ايه يا سوسو انتى هتاخدى سهوة وانا اقعد اعد النجوم برا
اسماء: خلاص انا خلصت معاها عايزها خدها
يوسف: اشطا اوى، تعالى يا سهوتى عايزك
سهوة: حاضر
..........
نيرة كانت قاعدة مع جودى فى اوضة جودى بيتكلموا
جودى: مالك يابنتى
نيرة: ماليش وبعدين ماليش فى الكورة اصلا
جودى: ده ماتش الزمالك يا بنتى
نيرة: مين الزمالك ده، ما هو مغلوب 2 صفر اهو
جودى: هو انتى ويوسف اخويا
