انتى بتشاورى ليه

قاسم: انا عارف كامل هرب ليه يا امجد.. عشان ميكرهنيش.. وانا مش هسمحله يضيع عمره في الهروب ولازم الاقيه ومش هرجع من غير اخويا

القى قاسم حجارة صغيرة بالماء وهو ينظر الي البحر الواسع ورفع وجهه للسماء واتكلم من قلبه....

قاسم: يارب..يارب انت الا عالم اخويا فين دلوقتي..يارب قربني ليه

على الجانب الاخړ من البحر.....

جلس كامل مع احد الصيادين الكبار في السن امام منزل صغير مصنوع من الخشب ويطل على البحر...

اتكلم الصياد بفخر: هي دي بقى كل حكايتي

ابتسم كامل ورد بهدوء...

كامل: دا انت حكايتك دي تنفع مسلسل يا عم عرفه

رد عم عرفه: يا بني لا مسلسل ولا حاجه.. الدنيا مليانه حكايات

نظر كامل للبحر واتكلم بتأكيد...

كامل: عندك حق فعلا الدنيا مليانه حكايات

نظر عم عرفه لكامل واتكلم بهدوء...

عم عرفه: لسه برضه مش عايز تحكيلي حكايتك

قربت منهم فتاة جميلة وهي تحمل صنيه صغيرة فوقها كوبين من الشاي....

شمس: معلش يا استاذ كامل اصل ابويا كده يحب الحكاوي اوي

اخفض كامل نظره للارض ورد عم عرفه على ابنته...

عم عرفه: والحمدلله ربنا بعتلي كامل يسمع حكاياتي

رد كامل بسرعه...

كامل: هو انت لسه عندك حكايات يا عم عرفه

رد عم عرفه: هو انا حكتلك لما روحت بورسعيد..؟

رد كامل وهو بيضحك....

كامل: ايوه مش لما اصطدت سمكه طولها 10 متر ولما لقيت صحبك ژعل عشان مش عارف يصطاد زيها قومت انت رميها في البحر تاني

رد عم عرفه فخر: ايوه هي دي

اتكلم كامل وهو بيضحك...

كامل: بس في سؤال نفسي اسألهولك يا عم عرفه ازاي انت وصحبك كنتوا على مركب طولها 5 متر وقدرت تصطاد سمكه طولها 10 متر ووزنها حوالي 10 طن..يعني افهم عملتها ازاي دي