روايه للكاتب سيد داود
المحتويات
الضيوف
راحوا للدكتور واتفاجئوا أن معندهاش مشاكل في الجيوب الأنفية ومش هي سبب الشخير وكتب لهم نقط تمشي عليها تجربها..
وان منفعتش النقط هيضطروا يروحوا لمتخصص في الجهاز التنفسي يمكن يكون عندها ضيق في القصبة الهوائية..
هاني كان بيتمنى أن النقط دي تعمل حاجة وتبطل شخير .. ع الأقل اليومين دول علشان الاحراج قدام الضيوف..
وكانت حالتها النفسية مدمرة بسبب شعورها ان هاني صالحها علشان تجهز كل ده وتنقذه من ورطته
ونفسيتهاا تعبانة من الموقف اللي اتحطت فيه عند الدكتور وهي بتطلب علاج للشخير
و ده اللي خلاها تاخد حبوب مهدئة بعد العشا على طول..
هاني وشهاب نزلوا بعد العشا بساعة علشان يفتحوا شقة شهاب ويتفقوا مع الناس اللي هتروح تظبطها..
إيناس واحدة أقراص مهدئة..
جسمها بدأت يميل مكانها
حطت راسها..
راحت في النوم..
ونجوى قاعدة ع الكرسي اللي قصادها..
وبدأ إيناس تشخر بالتدريج البطئ..
_ اخخخخ .. خووو .. خخخخخخ
الحلقة التانية خلصت
انتظروني بعد التفاعل الجامد والتالتة
الحلقة التالتة
نجوى الضيفة كل شوية تبص عليها والصوت بيرتفع لحد ما وصل لأعلى مستوى من مستويات الخاخيخوووو
نجوى بدأت تخاف مش متخيلة اللي بيحصل حاسة إن إيناس بتتحول لكائن غير البشر في الليل..
جسمها بيترعش..
بتمسك ريموت التليفزيون وهي مړعوپة وبتقلب بين القنوات بلخبطة وجنون لحد ما بتوصل لقناة من قنوات القرآن وبتعلي التليفزيون وهي بتردد آية الكرسي من كتر الړعب والخۏف اللي فيه .
بټخطف الفون وتجري بيه على برة الشقة
بتسيب الباب مفتوح وعينها على الأوضة اللي نايم فيها ابنها الطفل الصغير..
بتتصل بشهاب جوزها..
_ ايه يا شهاب انتوا فين واتأخرتوا ليه
_ احنا لسة في الشقة يا نجوى بنتفق مع الناس
_ مش مهم تتفق دلوقتي تعالى حالا
_ ليه كده جرى ايه
_ زهقت يا شهاب وإيناس نامت..
_ شكلها مرهقة سيب كل حاجة وتعالى بسرعة يا شهاب أرجوك
_ حاضر يا نجوى حاضر
هاني واقف جنب شهاب وسمع جملة إيناس نامت واتخض .
_ بتقولك إيناس نامت
_ اه
_ طيب يلا بينا بسررعة
هاني بيجري قدام شهاب
_ طيب استنى مش للدرجة دي..
شهاب قبل ما يكمل الجملة كان هاني جري بسرعة البرق.
هاني نازل وهو على آخره عايز يلحق إيناس قبل ما تشخر قدام نجوى وتفضح الدنيا..
شهاب بيبص له وشايفه مړعوپ من حاجة لكن مش بيحكي معاه ولا قادر يسأله
نجوى واقفة برة باب الشقة وهي مړعوپة حرفيا وإيناس بدأ صوت شخيرها يكون أعلى من العادي خصوصا إن راسها مسنودة على طرف كرسي مش على وسادة مريحة..
_ خاااااااااااااااااخ .. اخخخخخخخخخخخخ .. خووووو
نجوى بتنفخ مش عارفة تتصرف ازاي لحد ما جات لها فكرة ذكية وهي انها ټضرب الجرس وتخبط على الباب علشان تصحيها..
_ إيناس يا إيناس .. اصحي يا إيناس
إيناس بتفتح عينيها باستغراب وبتبص حواليه وبتفرك عينها وبتميل رقبتها يمين وشمال وبتبص ناحية الباب وبتشوف نجوى
_ نجوى! انتي واقفة عندك ليه يا حبيبتي حصل ايه
نجوى بدأت تستعيد نفسها وتدخل جوة
_ معلش أنا آسفة يا إيناس صحيتك
_ لا أبدا ولا يهمك بس انا مش فاهمة ايه اللي حصل
_ محصلش حاجة يا حبيبتي معلش أنا آسفة
_ هو أنا شخرت يا نجوى
_ ايه
_ أنا شخرت وانتي خفتي من شخيري
نجوى مكسوفة
متابعة القراءة
