خطيبتي

 جريت وخرجت من الشاليه وابص على البحر ملقتش حد قربت من المياه اكتر وفضلت مركز مافيش اى حد فى المياه معقوله لحقت ترجع وتمشى دا انا ما استغرقتش وقت خالص طب معقوله يكون اتهيئ لى بس ازاى يتهئ لى صوت وصورة غريبه المهم فضلت واقف على الشط سرحان فى اللى حصل بس شويه البرد زاد دخلت الشاليه وقفلت الباب والشبابيك ودخلت انام بس الموضوع ده خلانى سهران طول الليل افكر بس تعبت ونمت واول ما صحيت خرجت واتمشيت على البحر يمكن اشوف الشابه دى تانى بس الشاطئ كان فاضى ومعظم الشاليهات اللى حواليه مغلقه مافيش غير شاليه على بابه غفير فوقفت اتكلم معاه واساله هو فى اى شاليه  من اللى حوالينه فى حد موجود فيه  فقال لا مافيش مين هيجى فى الشتاء هنا دا انا حتى كنت مستغرب انك موجود هنا فى الايام دى قولت له ظروف سيبك منى انا انت متاكد فقال ايوه وبتسال ليه فى حاجه حصلت خۏفت اقوله على اللى حصل يقول عليا مچنون قولت له لا مافيش وسبته ومشيت وفضلت اكمل مشى على الشط يمكن اشوفها تانى بينى وبنكم انا عاوز اعرف اللى شوفته ده حقيقه ولا تهيئات ولو حقيقه الفضول هيجننى طب ليه كانت نازله البحر فى وقت زى ده وازاى كانت متحمله البروده دى  واختفت بسرعه كده ازاى بس مظهرتش خالص رجعت ودخلت الشاليه وقفلت على نفسي وفضلت اشاهد التلفاز لحد المساء ونمت وانا بتفرج وقلقت فى منتصف الليل طلعت البرنده وبصيت على البحر كان السكون والهدوء مالئ المكان ويدوب  بلف ظهرى عشان ادخل لقيت. تابع