خطيبتي

بعد ۏفاة خطيبتى بعد قصة حب طويله ماټت فى حاډثه قبل زواجنا بيومين كنا مجهزين كل حاجه ومخططين لحياتنا خطوة بخطوة ورسمين حياتنا وسعادتنا بانفسنا ولكن اخذها منى المۏت فجأه وانا لحد اليوم مش قادر اصدق اللى حصل  واصبحت حالتى النفسيه مدمره تماما واهملت حياتى كلها وعزلت نفسى عن الدنيا تماما وسبت اسرتى ورحت اقعد لوحدى فى الشاليه الخاص باسرتى اللى على البحر رغم اننا فى الشتاء وده عشان مش عاوز اشوف حد ولا اكلم حد وملقتش  حاجه هتحقق  لى عزلتى غير الشاليه ده عشان احنا فى فصل الشتاء والجو  فى المكان اللى فيه الشاليه برد جدا فمن القليل جدا ان حد يذهب لهذا المكان فى وقت زى ده وفضلت قاعد فتره وقافل تليفونى وكنت بفضل جالس فى الشاليه وغالق كل الشبابيك و مقضى معظم وقتى اما نايم او سرحان فى ذكرياتى مع خطبتى ومر وقت طويل عليا كده لحد ما بدء الجو يدفى لحد ما خلانى بقيت اقدر اقعد فى البرانده وافضل باصص للبحر وكل وقت قضيته مع خطبتى بيمر زى الشريط امام عينى وفى ليله نمت فى البرنده وصحيت على صوت خفيف على الشاطئ ففتحت عينى لقيت  شابه مرتديه مايو ونزله المياه الوقت كان متأخر فقولت فى حد ينزل المياه فى الوقت زى ده والجو لسه مش مناسب لنزول البحر معقوله ممكن تكون ناويه ټنتحر بس فى حد ناوى ينتحر هيلبس مايو اكيد لا طبعا طب ايه اللى ينزلها المياه فى الوقت ده شويه وقولت وانا مالى وحاولت انام بس بس معرفتش وهى دخلت اكتر فى البحر  وانا مراقبها قومت دخلت غيرت لبسي بسرعه وقولت انزل اشوف ايه حكايتها بس على الله متكسفنيش وتقولى وانت مالك مركز معايا ليه المهم بعد ما غيرت