لعبه في يده
المحتويات
كله ...يارب انت العالم بحالى وغنى عن سؤالى ..يارب ..يارب ارضى عنى يارب يارب
امسكت سالى بالمصحف واتجهت الى السرير واخذت تتلو ايات القرآن حتى نامت شاعره بهدوء نفسى وراحه نسبيه
اشرقت شمس الصباح على جاسر الذى ظل مستيقظا ېدخن فى شراهه وما ان دقت الخامسه فجرا حتى قام واغتسل وصلى صلاه الفجر وارتدى ملابسه .....وتوجه الى غرفه سالى وجدها نائمه وبجانبها المصحف الشريف مما اعطاه بعض الامل فى كونها قد هدأت قليلا
جاسر صباح النور يا نعمات ايه الى مصحيه بدرى كده
نعمات عشان نايم بدرى بس كده احسن يارب يفضل على النظام ده ...احضر لحضرتك الفطار
جاسر لا انا مش عاوز اكل اعمليلى بس فنجان قهوه
ابتسمت نعمات وقالت ده على طول ااالى ااالى ..حتى لما كنا فى القصر هناك كان ينده عليها ويقولها ااالى ...ربنا مايحرمكوش من بعض
جاسر من كل قلبه امين يارب ..امين
تناول جاسر قهوته ونظر الى ابنه وداعبه قليلا ثم قال انا خارج يا داده ...مش هوصيكى ..خدى بالك منهم
جاسر اهه ..اه اه يعنى مرهقه شويه ..لو فيه حاجه كلمينى على طول يانعمات انا فى المكتب وانا هبقى اكلمكو كل شويه كده اطمن ..ماشى
نعمات ماشى يا بيه ربنا يطمنك ...مع السلامه
خرج جاسر واتجه الى عمله مبكرا حتى لا يتسبب وجوده فى مزيد من الضيق
لزوجته
استيقظت سالى فى العاشره صباحا شاعره بالصداع الشديد فقامت واغتسلت وارتدت ملابسها ونزلت للطابق السفلى على حذر
سالى صباح النور ..انتى منيره
منيره ايوا يا هانم اؤمرى
سالى الامر لله ..امال فين نعمات
منيره بره فى الجنينه بتلاعب البيه الصغير وجاسر بيه اتصل من شويه يطمن عليكم
هزت سالى رأسها وقالت هوا خرج امتى
منيره اظن على سته كده نعمات هيا اللى كانت صاحيه
منيره تحبوا تتغدوا ايه النهارده ياهانم والغدا اعمله الساعه كام
سالى اى حاجه ...المهم خلى فى خضار ولسليم الصغير وعلى 1 الضهر كده بيتغدى
منيره وحضرتك هتستنى البيه
سالى بضيق ساعه الغدا يحلها حلال ..روحى انتى دلوقتى يامنيره
منيره احضر طيب لحضرتك الفطار
سالى لاء بس اعمليلى كوبايه نسكافيه
منيره من عنيا ..عن اذنك
استكان سليم الصغير فى احضان سالى شاعرا بدفئها وتعلق بها ورفض ان يدعها قالت له سالى هامسه انت الحاجه الحلوه الوحيده ..انت وبس
2
دلف اسامه الى مكتب جاسر فوجده جالسا مديرا له ظهره ناظرا الى خارج النافذه فقال السلام عليكم
لم يرد جاسر فاقترب منه اسامه مرددا السلام عليكم ....هاااااى جاسر ...انت فين يا اخى
انتبه جاسر واستدار له سريعا وقال هه
اسامه ايه يا جاسر مالك.. بقالى واقف من بدرى وعمال اقولك السلام عليكم وانت ولا انت هنا ايه ...اللى واخد عقلك
جاسر دماغى اصلها مشغوله شويه
اسامه سلامه دماغك خير الساعى قالى انك جيت الساعه 6 ونص الصبح.... ايه جاى تبيع لبن
جاسر كنت عايز ايه اسامه ...الله يكرمك انا مش فايق ودماغى مش فيا
اسامه عا رف ..عارف اللى حصل
امتقع وجه جاسر وقال عرفت ...هيا قالتلك
اسامه ااه ...بس انت لازم تصالحها ماينفعش اللى انت عملته برضه
جاسر حاولت يا اسامه حاولت كتير بس هيا مادتنيش فرصه
اسامه مانت عارفها هيا طول عمرها كده ...وبعدين احنا لازم نستحملها هيا برضه كبرت فى السن
جاسر متعجبا انت بتتكلم عن مين
اسامه باستغراب عن مين ...عن ماما طبعا ..انت
مالك النهارده فيك ايه ماتفهمنى
متابعة القراءة
