جين
وتين بتساؤل طيب و النونو
رباب. جابت ولد زى القمر بس لازم يدخل الحضانه لحد ما حالته تستقر ادعيلهم يا توتى ماشى
وتين رفعت أيدها الصغيره. يارب يكون كويس يارب و طنط تكون كويسه
ادم ل نفسه. ياااه بعد كل السنين دى اتجوزت واحده متعرفش يعنى ايه زوجه او حتى ام كل همها الخروج و الفسح و ف الآخر تيجى عندى الكافيه مع ال حبيته و يطلع ال بتحبه هو زوج المسكينه ال جوا و بحقد انا لازم انتقم منكم كلكم على ال عملتوا معايا و مش هرحم حد
خديجه بدموع. انت مالك زعلان كدا مش كنت بتقول خلاص مش بقيت تحبها
رامى بصلها. دى مراتى فاهمه يعنى و عمرى ما هسيبها دى قبل ما اكون بحبها هى مراتى و بتنهيده عارفه طول عمرها بتشك فيا من يوم ما اتجوزنا و هى بتحلم أن بخونها رغم أن مكنتش بخونها و لا حاجه هى ال كانت بتفكر كدا لحد ما قبلتك يا خديجه ف الشغل و انت شغلتى تفكيرى فعلا بقيت بفكر فيكى بقيت اكلمك و هى موجوده على الواتس و لما تسالنى بعمل ايه اقولها بتفرج على الفيس و اوريها الفيس و انا بكون بكلمك و ضحك ضحكه سخريه هى ماكنتش بتصدق بس بتكبر دماغها و فرت دمعه منه و مسحها
خديجه بدموع. عارف انا كنت بحبك من زمان اوى من قبل حتى ما تتجوز بس اهلى جوزونى ادم ال جوا دا و جبت منه وتين من يوم ما اتولدت و انا ما شوفتهاش محستش أن أمها مضمتهاش ليا مكنتش متقبلها و لا متقبله ابوها لأن ببساطه كنت مغصـ،ـوبه عليه
خديجه بدموع. اه
رامى پغضب. طيب هو ما له و مال مراتى
رامى پغضب. بس انا عايز اطمن على چين و ابنى
روز. كويسه يا مدام النزېـف وقف و البيبى ف الحضانه لأن نزل قبل معاده ف ادعيلوا يقوم بالسلامه
رامى بتنهيده. الحمدلله
خديجه قفلت و بصت ل رامى. ادم مش هيسبنا ف حالنا و لا هيسيب چين ف حالها
رامى پغضب. و هو ماله ب مراتى و ابنى
خديجه. هو عارف چين من زمان
رامى پغضب. نعااااام
رامى پغضب. يعرف مراتى منين و چين تعرفه
خديجه بخۏف. اه تعرفه و كانوا بيتقابلوا كمان ف ف الكافيه ادم التانى اومال هى عرفت منين انك بتقابلنى هنا اكيد ادم قالها
خديجه بدموع. رامى انت عاوز تنټقم انت مش هتجوزنى مش وعدتنى
رامى بشر. هو دا وقته
خديجه. يعنى كنت بتضحك عليا
رامى بحنيه و تنهيده. لا انا بحبك و هتجوزك يا خديجه بس لازم انتقم من الاتنين و ابنى لازم اخده
خديجه باستغراب. طيب ما انا سايبه بنتى مع ادم سيب انت ابنك مع چين
رامى پغضب. و اسيب ابنى يتربى بعيد عنى ليه ملوش اب
خديجه بتفكير. طيب نتجوز الاول و بعد كدا نرفع قضيه و ناخد الولد
رامى بتنهيده كلها كره. ماشى يلا علشان اوصلك
خديجه بفرحه. ماشى
رباب. ادم چين فاقت بس انا عايزه افهم مين دى و ليه عملت كل دا علشانها
ادم باستعجال. مش وقته يا رباب بعدين ابقى اقولك انا هدخل ليها
چين فاقت و حطت أيدها على بطنها. ابنى ابنى حصله ايه
ادم دخل. أهدى أهدى انت ولدتى و انت ف السابع ف البيبى هيفضل ف الحضانه شويه لحد ما يبقى كويس
چين بدموع. عايزه اشوفه
ادم. مش هينفع
چين. لا لازم اشوف ابنى و بتحاول تقوم
ادم مسكها و قعدها و قالها خليكى ثوانى انا هتصرف
ادم طلع و راح الحضانه.
الممرضه. اتفضل يا آدم بيه هو دا ال بيبى ال مدام چين ولدتوا
ادم صوروا و راح ل چين. اهو يا ستى الاستاذ كويس اهو مفهوش حاجه
