وقفت وهى تبكى

انا كلمتها وقت طويل اهوه زي ما انت قولت شوف بقى هتعمل ايه

اخد صاحبه منه التليفون وبص علي اللاب الا قدامه وبعد دقايق ابتسم وقاله بثقه وتأكيد علي المكان الا رقم عليا دا كان موجود فيه وقت المكالمه..ابتسم كريم بسعاده وشكر صاحبه ورجع علي بيته بسرعه عشان يجهز ويسافر علي المكان الا عليا موجوده فيه..دخلت عليه زوجته وهو بيجهز شنطته وسألته: رايح فين ؟

نظر لها كريم واتكلم بتوتر..

رد كريم بتوتر: رايح رحله اسبوع مع ناس صحابي

نظرت له زوجته بسخريه واتكلمت

زوجة كريم بقوة: يبقى انا جايه معاك

نظر لها كريم وهو بيفكر يتهرب منها ازاي واتكلم

اتوتر كريم وقالها: بس الرحله دي كلها رجاله ومش هينفع تيجي معايا

بصتله زوجته بدهشه وبدأت تشك انه مسافر مع عليا وفكرت انها مش هتسمح ان عيله زي عليا تاخده منها وردت عليه بقوه وقالتله: ماتقلقش انا هاجي انا ومامتك..هي عندنا هنا وهي كمان نفسها تغير جو..انا هروح ابلغها

وخرجت من الغرفه بسرعه قبل ما يحاول يوقفها وابتسمت بمكر واتكلمت بصوت منخفض: فاكرني عبيطه وهسمح لحتة العيله دي تخطفك مني

وراحت بسرعه تبلغ والدت كريم انهم مسافرين عشان تجهز هي كمان ويحطوا كريم قدام الامر الواقع

وقف كريم وهو مش عارف يعمل ايه وبدأ يفكر ان كدا مراته هتعرف انه مسافر لوحده مش مع اصحابه زي ماقالها..بس مكنش قدامه حل غير انه ياخدها هي ووالدته معاه ويقولها ان اصحابه اعتذروا وقالوا انهم مش هيقدروا يجوا

رواية زوجة ابن الاصول بقلم ملك ابراهيم

بعد انتهاء زين من الاجتماع الا عمله مع جميع مسؤلين القريه..كان المفروض يرجع الجناح بتاعه يرتاح لكنه مشى اتجاه البحر وهو حاسس انه مخ0نوق اوي وموضوع خطيب عليا دا ازعجه جدا وحاسس بنار في قلبه ومش عارف ليه..وبدأ يحس ان موضوع عليا دا بقى مشكله في حياته بدل ما يحل مشكله..وافتكر حياته كانت ازاي قبل ظهور عليا فيها..ليه حاسس ان حياته اصبح ليها طعم مختلف وحاسس ان وجودها اصبح شئ اساسي في حياته..لحق نفسه بسرعه وهو بيحاول يبعد عليا عن تفكيره وكلم نفسه بتأكيد: يعني ايه وجودها شئ اساسي في حياتي لأ طبعا هي ملهاش اي وجود في حياتي..وجودها مجرد فترة مؤقته في حياتي ولازم تنتهي ولازم امنع نفسي من التفكير فيها..