سكريبت رحمة بقلم روان حسن
مفيش حاجه حصلت برده
_أنتي هبلة صح كل ده عشانه ما كنتي تقوليلي وأنا اسيبهولك ما أنتي عارفة أن مفيش بيننا حب أصلا
كنت عايزاه هو اللي يحبني من نفسه و يجرب ياخد خطوة عشاني بس أنتي كنتي بتعلي بالشغل أكتر وهو بيقرب منك أكتر
أنا أسفة يا موني بجد و خرجت أخدت أجازة تلات أيام
كانت مدة كافية أني أعيد ترتيباتي من أول و جديد
و بقينا أصحاب هو ده المسمي الوحيد المناسب لينا فعلا و عرفته بطريقة غير مباشرة أنه لو خطب رحمة هيبقي أسعد كتير و فعلا اتقدملها و خطوبتهم لمه اتحددت كان فيها المكتب كله و طبعا كان لازم يكون يوسف موجود كنت مأجرة فستان لذيذ وهي كانت زي القمر سامحتها أكيد و رجعنا تاني أخوات و أصحاب كنت بعدلها ديل الفستان و ماسكالها البوكيه و بتصور معاهم لمه لمحت يوسف واقف بعيد ف رحتله
_ييييه ده أنت قلبك أسود
أبيض والله بس ملوش في الطيب نصيب
_يا حرام! مسكين
ابتسماحم ألا صحيح كان ليا عندك جميلة و مردتهاش
_نعاام مش عزمتك علي الغدا هي سيرة
ولمه وصلتك يومها
_هو أنت بتعد مواقفك الحلوة يعني ولا ايه مش فاهمه بتذلني
جزيت علي سناني_ايوة عايز ايه يعني يا أستاااذ يووسف
رقم والدك وهبقي أنا اللي مديونلك طول العمر
_ماشي عايز معاد امتي الأسبوع الجاي
لا بعيد أوي ده بكرة حلو
_ايه الكروتة دي يا أستاذ يوسف
عارفة ساعات كنت بقول بيني وبين نفسي ياريت كان أسمي أحمد عشان ننادي علي بعض أحمااااااد مني
اه والله كله بيقولي كده فعلا
_ألا قولي ايه أكتر حاجة جذبتك ليا
هبلك وأنتي فاكرة نفسك خبيثة مع أنك طيبة أوي بس قوليلي أنتي هو أنتي كنتي مصدقة أني ممكن أئذيكي في شغلك بجد ولا قولتي كده وخلاص عشان لمه تعملي مصېبة تلاقيني ف ضهرك
_اممم عايز الصراحه ولا بنت عمها
ضحكت_حتي وأنت بتمثل الروشنة مش عارف المهم لمه قالوا ان أنت اللي سړقت أنا اتهزيت شوية خصوصا أننا بنتنافس علي طول بس حاجه كده جوايا قالتلي لا ميعملهاش
عموما مش هنتنافس تاني أحنا هنتجوز و تقعدي في البيت
_اااه ابتدينا تحكمات بقي هو أنت عارف أنا بقالي قد ايه في المكتب ده يا أستاااذ يوووسف
_أنت توكسيك شكلك لو توكسيك يابني عرفني من أولها متسيبنيش كده
أبدا والله أي موضوع هيحصل هنتناقش فيه لحد ما نوصل لحل وسط ولو أنتي مش هتسيبي الشغل أنا هسيبه أنما احنا الاتنين في نفس المكان مستحيل هيحصل مشاكل
_يعني هتسيبه عشاني واو
مش أوي يعني المدير هيفتتح فرع جديد و هاخد بوزيشن حلو فيه
_قول كده بقي يا أناني
أناني بيحبك والله
_صحيح كانت بتعجبني الملاحظات اللي بتسيبهالي
بجد ده أنتي لسه مشفتيش جملة بكرة بقي
_ايه
الصبح شوفيها ألاه
_بارد روح هاتلي طبق جاتوه تاني
خدي طبقي دي باينة من أولها
_هو أنت بتبرطم بتقول ايه
حبيبتي بالهنا و الشفا
و الأجمل من الوصول لنهاية الطريق هو السير مع من تحب
روان_حسن
