حبيبي الاول
هنجيب العربيه الجديدة امتى
لسه بردو عاوزة عربيه
_أيوة طبعا مش هبقي اقل من صحابي
مش تحمدى ربنا غيرك ماشي على رجليه ومواصلات
_اه دا مش كلامك دا كلامها هى
عمرها مقالت كلمة وطلعت غلط على طول بتنصحنى أكنها عقلى باخد رأيها ف كل حاجة كل صغيرة وكبيرة هى عرفاها عنى وجايه انتى بقي تقولى معتش ليك علاقه بيها إلى بينى وبين مريم مش حب دى حاجة اكبر بكتير وانتى مش هتفهميها.. بتحبنى يمكن وانا متأكد لو هى بتحبنى بجد يبقي عشان أحمد مش عشان فلوسه.. يريتك كنتى زيها بجد ياخسارة.. طول الوقت بتحسسنى انى عظيم وانتى إلى يهمك العربيه والخاتم والناس... عمرها مطلبت منى حاجة غير انى ابقي سعيد.. انتى عاوزة ألماظ هى وردة بتفرحها.. انتى عاوزة عربيه هى هتوافق نتمشي سوا.. انا ازاى مكنتش شايف انك ماديه فعلا زى ما هى قالت.. مرايه الحب فعلا عاميه يا ريته حب دا الحب كان طول حياتى قدامى وانا إلى طلعت أعمى.. ازاى ادور على حد ومريم جمبي!!!
_قصدي انك لما خيرتينى بينك وبينها يبقي كان لازم تعرفي انك هتخسري.. بصي يبت الحلال زى ما دخلنا بالمعروف نخرج بالمعروف وشوفيلك بقي واحد يجبلك العربيه ومعرفش اى عشان والله المرارة يدوبك
ليك نفس تهزر
_هى كانت ف عز زعلها وزعلى بتهزر عشان بس تضحكنى.. بجد انتى مش هتفهمى حاجة.. تشرفت بيكى السلام عليكم
_صدقينى مش انا الشخص المناسب ليكى.. بعد اذنك
سبتها واستغربت انى قولت كل الكلام دا يااااه كل الكلام دا كان مكبوت جوايا وف الوقت دا طلعته.. انا غبي اوى ازاى ماشوفتش حبها إلى كان مغطى عنيها ازاى اعمل فيها كد وأبقي سبب ۏجعها وهى على طول سبب فرحتى.. انا ازاى اعمل كد.. ازاى ملاحظتش دموعها وكل دا عشان سعادتى انا
_اى دا انتى نازلة
لو سمحت يا احمد انت ملكش علاقه بتصرفاتى
_لا يا مريم متقوليش كد.. انا انا سبت ملك
لي عملت كد يا احمد لي
_عشان عرفت ان انتى الى بحبها
أسفه يا احمد مش هينفع
_هو اى إلى مش هينفع
بعد كل دا بعد كل الۏجع دا جاى ببساطة تقول بحبك ياااه يرب متتحط دقيقه واحدة في إلى كنت بحسه يا احمد عشان بيوجع بيوجع أوى
مينفعش يا احمد مينفعش
_لى يمريم
انا متقدملى عريس وجاى بليل
_نعم يختييي ياااه دى ملك فعلا نجحت تبعدنا عن بعض لأول مرة متقوليليش حاجة
عشان هى عندها حق ف إلى قالته
_بقولك سبتها سبتها عشانك
مطلبتش منك دا
مبحبش حد وبعد اذنك يا احمد امشي دلوقتى
_انتى عبيطة يبنتى امشي عشان يجى واحد يشوفك واكيد هتعجبيه وتتجوزوا بقي وانا ايه
وانا كنت إيه كنت إيه في كل دا
_كنتى كل حاجة يا مريم كل حاجة.. انتى الوحيدة إلى بطمنينى يمريم وبشوف ف عيونك اني واحد مفيش زيه.. انتى أجمل حاجة ف حياتى.. احنا ملناش صحاب انتى صحبتى واختى وصاحبي وكل حاجة
_كنتى لا انتى بتهزرى صح
انا ازاى اتحملت كل دا.. انا أسفه يا احمد مش هينفع
_مريم متسبنيش
جريت على اوضتى وقفلت الباب لأول مرة
