نسمه بين نارين

عمادانا اتغشيت فيكى
اخر حاجه كانت ممكن تيجى على بالى دا احنا كنا اخوات قبل ما نكون احباب دا انا كنت فاكر انى اعرف عنك كل حاجه زى ما انتى تعرفى عنى كل حاجه بس 
بس انت غيرت الاتفاق والوقت كان ضيق ماعرفتش افكر او امهد انى اعرفك انا عارفه ان اللى انا فيه ده مالهوش اى عذر بس انا بكلمك مش كجوزى انا بكلمك كعماد اخويا وابن خالتى وصاحب العمر كله ارجوك ارحمنى واستر عليا

عمادانا لو سترت عليكى مش هيكون عشانك لا عشان خالتى عشان كل واحد وواحده فى العائله ممكن سيرتك تلوث سمعتهم 
إنما لو عليكى وانك خدعتينى انا عاوز اخنقك فى ايدى وبردو مش هيطفى نارى 
احنا هنفضل عاملين اننا متجوزين بس على الورق ومش هلمسك وبعد فتره هطلقك وبيتهيألى لى ان ده مش جديد علينا مثلنا كويس وقت الخطوبه لما كنت فاكر انى واقف جنبك بساعدك فكره ولا نسيتى 
وخلال الفتره دى ياريت ماشوف وشك ارجع من شغلى تكونى مخلصه كل حاجه فى البيت ودخلتى تنامى وتكونى تحت رجل امى زى الخدامه يعنى بمعنى أصح اعتبري نفسك شغاله عندنا وتتحاشي اي صدام بينى وبينك او بينك وبين أهلى خلينى اتحمل اكمل الفتره المناسبه للطلاق الكلام مفهوم
نسمه نظرت للارض حاضر مفهوم 
عمادفى حاجه كمان تقطعى علاقتك تماما بأصحابك كلهم 
نسمهتقصد ايه 
عمادلا زى ما سمعتى كلهم والست ايه دى هى واخوها ليهم كلام تانى معايا انا من وقت ماعرفتها وانا مش مستريح ليها خلاص 
نسمه خلاص اى اوامر تانى 
عماد بتتريقى حضرتك 
نسمهلا ابدا انا بأكد ان مافيش اوامر