حلم
"بصيت ناحية باب مكتبه وانا مستغربة وفى تفس الوقت خايفة...ايوة خايفة جوايا احساس غريب لحاجة هتحصل انا مش مستعدالها ابدا ...اخدت نفس عميق وروحت ناحية المكتب وخبطت وسمعت صوته انى ادخل..قلبت وشى للضيق ودخلت ووقفت قصاده واتكلمت بعـ،صبية خفيفة :
ممكن افهم انت عايز منى ايه بالظبط
"رفع عزيز عيونه عن الورق وبصلها وهو بيحاول يكتم ابتسامته ويظهر الجدية وبص تانى للورق وهو بيقول ببرود : اتكلمى بهدوء يا رؤيا
رؤيا بصد@مة : اتكلم بهدوء؟
عزيز ببرود : اه تتكلمى بهدوء عشان اعرف اتكلم معاكى
"اعترف استفزنى ببروده وبكل غضپ جوايا خبطت بايدى على المكتب وانا بصاله وقولت : انت عايز ايه بالظبط وتعرفنى منين لدرجة تروح تتوسطلى عند مدير المركز عشان ارجع التدريب تانى ، ها
" قام عزيز وقلڠ جاكت البدلة ببرود وسنده على الكرسى واتقدم ناحية رؤيا ووقف وربع ايديه على صدره وقال بثقة : اعرفك منين دا هتعرفيه بعدين ، اما اتوسطتلك عند مديرك ليه برضو هتعرفيه بعدين..
نوقف الزمن هنا يا جم١عة ونقول : عزيز سلطان الملقب برجل الثلج عشان بروده بس على مين دانا رؤيا جلال ومش عشان بحبه يستخدم سلطاته عليا..
نرجع للحظة الراهنة ، ولقيت نفسى بضحك جامد واتكلمت : لا بص هتتعامل معايا ببرودك اللى بنشوفه فى التفلزيون هتع...
عزيز بخبث: يعنى متبعانى على التلفزيون كمان
: ها
"رفعت عيونى ليه وانا مصډومة اوى بجد ، دقات قلبى زادت نفس الرعشة والاحساس الحلو جانى ، مقدرتش ارد بكلمة غير انى عيطت ، عيطت جامد وهو اتخض منى..
عزيز بخضة : رؤيا مالك ، بتعيطى ليه ... طب خلاص طيب انا اسف
" عزيز اتصنم مكانه من هيئتها وهى بټعيط ، وهى بتبصله بعيون بكيانه وبتتنفض من البكا
"اتنحنح عزيز وقال : احم ، انا مقصدش اعاكس طبعا بس بس
رؤيا بترقب: بس ايه
"بصلها عزيز ثوانى وبعدين مشى ناحية المكتب ولبس الجاكت ووقف تانى قصادها وقال ببرود : رؤيا جلال ، انتى رجعتى المركز ولتدريبك وحالاتك وخلاص كدا ، تقدرى تتفضلى لأنى ورايا اجتماع مهم
رؤيا: استنى عندك
"وقف عزيز عند الباب قبل ما يخرج وقبل ما يلفلها قالت رؤيا: عمال تقول هعرف بعدين هعرف بعدين ، ليه هو احنا هنتقابل تانى ولا ايه
لفلها عزيز وهو بيبتسم بخبث وقال : هتعرفى بعدين و لو عايزة تقعدى فى المكتب براحتك كدا كدا انا بثق فيكى و اه...جهزى نفسك على بليل فى مفاجأة كدا ليكى ، سلام يا رؤيا
" خرج عزيز من المكتب ، وقعدت رؤيا على الكرسى بإهمال وقالت بعدم تصديق: لا لا فى حاجة غلط ، دا ..دا بيتكلم بثقة ليه كدا ... طب مفاجأة ايه دى اللى بليل مستنيانى ، يارب استر يارب..
_______________&
" ارسم اهدافك وحطها قدامك وحاول مرة واتنين وتلاتة لغاية ما توصل لنشوة الانتصار"
" روحت المركز وابتديت شغل مع الحالات وانا بحاول انسى اللى حصل ، معقول عزيز سلطان حلم حياتى اشوفه يومين ورا بعض وكمان نتكلم ، جم١عة انا محتاجة افوق من الحلم دا ، ما تيجوا تفوقونى...
: ندى انا خلصت النهاردة كل الحالات وحقيقى تعبت اوى
ندى: كتر خيرك يا بنتى ، بس افرحى بكرة اجازة
رؤيا باستغراب : إجازة ليه
ندى: بكرة دكاترة المركز معاهم مؤتمر وكمان المدير رايح فأدى اجازة للمتدربين
رؤيا براحة : طب كويس ، سلام بقى
ندى : سلام
"كنت بعدى فى الساعات ومستنية الليل يجى ، اعترف انه ساب جوايا فضول اوى اعرف اللى ناوى عليه ايه تانى وفى نفس الوقت خايفة اوى من اللى هيعمله..
________________&
:فى ايه يا طنط رؤيا مالها
/ مش عارفة يا ليل من سعة ما سمعت الخبر وهى حابسة نفسها فى الاوضة ومرضياش تخرج ولا ترد علينا
ليل: خبر ايه دا
/ انه اتقدملها عريس هى مقلتلكيش
ليل : لا والله بس مين العريس يعنى
/ عزيز سلطان
ليل : اه...مين ؟
/ عزيز سلطان يا بنتى مالك انتى كمان
ليل ببلاهة: عزيز سلطان مين
/ يادى النيلة عليا ، خشيلها يابنتى وهى تحكيلك ، قال عزيز سلطان مين
ليل : رؤيا افتحى الباب انا ليل
:امشى يا ليل مش عايزة اقعد مع حد دلوقتى
ليل: افتحى يابت افتحى بڈم ..ا اكسرلك الباب دا
"نفخت رؤيا بضيق وقامت فتحت الباب وقعدت تانى مكانها ، دخلت ليل وقفلت الباب وقالت: ايه اللى سمعته من طنط دا
رؤيا بضيق : مش عارفه مش عاااارفة ، هتشل
