اتخانقت انا ومراتي وزعلنا سوا وفي نفس اليوم حدث مالم اتوقعه قصة سر المشرحة بقلم حماده هيكل

دخلت الأوضة كان موظف قاعد على مكتب

ومعاه أمين شرطه حضرتك زوج الحالة

اللي لسه واصله

ايوه انا

طيب اتفضل

عشان تتأكد منها ..بس ارجوك

تتمالك اعصابك انا مقدر موقفك..

قاطعته بعصبية

لو سمحت عاوز اشوفها بسرعه

طيب اهدى حضرتك ..

اتفضل

فتح باب تاني وجواه كان في سرير في نص الاوضة

وفي عدد تلاجات مترقمه فتح الباب

رقم 4 وسحب الجرار وقالي مستعد

مديت ايدي وهي بتترعش ورفعت الغطا

واتصدمت لما لقيت وش الست متحفم  تماما

انا اسف ع المنظر ..

بس العربية اتقلبت وحصل انفجار

 ولكن ولاد الحلال لحقوا يطلعوها

قبل ما النار تمسك في باقي الجسم

كان في صباعها خاتم جوازنا

اول ما شوفته

انهرت تماما

فضلت أعيط بحرقة

والموظف طبطب على كتفي وقالي شد حيلك البقاء لله

ودون حاجة في الدفتر بتاعه وقالي لو سمحت

 ممكن تمضي على استلام الجثة

مسكت الورقة والدفتر وبأيد مرتعشه

والقلم وقع عني وطى الراجل عشان يجيبه

وقالي تمالك نفسك

يا أستاذ ..مسكت القلم