عمرى ما كنت اتخيل

والراجل اللي جنبها من الناحية التانية نزل من العربية وفضل يجري وهو مفزوع وبيبص وراه كل كام خطوة لغاية ما انكفى على وشه،، فقعد يزحف وهو بيبص وراه برعب لغاية ما وقف وبطل زحف وكان واضح ان في حاجه بتخنقه من رقبته لانه اتقلب على ضهره وكان مش لاقط نفسه وعمال يخبط بايديه في الهوا قدامه وقتها الاتنين اللي كانوا مثبتينا طلعوا يجروا بعيد،، فجريت ساعتها على امل فلقيتها مرجعه راسها لورا وسانده مؤخرة راسها على الكرسي وعينيها مبرقة وكأنها غايبه عن الوعي والاتنين اللي كانوا في العربيه من قدام،، السواق رقبته بتنزف زي ما يكون حد قطم حنجرته واللي جنبه مخنوق بحزام الامان،،

وطول الطريق أمل ماكنتش بتنطق ومذهوله،،

وانا نفسي مرعوب،، مرعوب من كمية الدم اللي حصلت والناس اللي ماتت،، ومصيرنا احنا هيكون ايه هل ممكن احنا اللي نلبسها،،لغاية ما وصلت القاهرة ومجرد ما وصلنا دخلت شقة البنات وقعدت على كنبة الصالة وامل قعدت جنبي فبقول لها_خير يا امل،، الحمد لله انها عدت على خير...

فلقيتها بتشاور براسها بمعنى الموافقه،،

فقلت لها مالك يابنتي مابتتكلميش ليه

فلقيتها زي ما تكون بتجاهد عشان تنطق واللي خرج من لسانها_ماااااااااا فاااااااا بااااااا

امل ما كنتش بتنطق..

كانت بتحاول تتكلم كل ما اكلمها ومش قادرة..

امل اتخرست..

اللي عليها عقد لسانها عشان مايتكررش اللي حصل تاني

ساعتها ماكنتش عارف اعمل ايه بالظبط،،

وفي نفس الوقت مش عارف ايه اللي هيحصل بخصوص اللي ماتوا دول كلهم،، وهل ممكن اسمنا يتذكر في الوسط

ولا لا..

وقعدت تلات ليالي لا برد على تليفونات ولا بتكلم مع حد وكنت بقول يمكن حالة امل تكون مؤقتة ويمكن الـقت،ـل اللي حصل دا يعدي على خير لغاية ما اليوم الرابع جالي تليفون من رقم الراجل اللي كان طلبنا في الفرح اللي حصلت فيه المصيبه،، فقلت ارد فلقيت الصوت اللي بيكلمني صوت الراجل اللي كان رمالي الفلوس وطلب امل فقال_هم كلمتين ورد غطاهم،، لو اتطلبت في اي تحقيقات بخصوص التلاته اللي ماتوا،، انت ماتعرفش حاجه ولا شفت حاجه،،

ولا حد جالك الفرح يطلب امل،،دول كانوا مسجلين خطر اصلا وعليهم احكام وحصلت مشاجرة وقت عملية تسليم مخ/،درات والمخ،ـدرات لقوها في العربية،،وتلاته ماتوا وخمسة هربوا،،وانا مش عايز اعرف انتوا قت،ـلتوهم ازاي،،

عفاريت مش عفاريت المهم سيرة الراجل بتاعنا ماتجيش على طرف لسانك والا هتموت قبل ما تفكر تنطق،،

احنا كان ممكن نيجي نخطفك انت واللي معاك بس احنا عايزين نلم الموضوع مش نوسعه،، فاهمني ولا لا..

=فاهم،، والله فاهم،، انا لما رفضت كنت بحاول احميكم،، البت عليها حارس

_حارس مش حارس مايعنينيش،، اللي يعنيني ان السيرة تتقفل على كده..