ابن عموا بتاع الكتب
_خلاص عزومتك مقبوله
_هستانكم
_هنيجي
“١ نوفمبر ٢٠٢٢”
_انتي فين يا حور
_اهو في الموقف الميكروباص اللي انتو فيه فين بظبط
_جنب الجامع
_خلاص شفتكو جايه عليكو اهو
قولتها وقفلت معاها وروحت للمكروباص بصيت قبل ما اركب كانو تلات شباب قاعدين في الكنبه اللي ورا اتنين نايمين وواحد صاحي وصحابي قاعدين في الكنبه الي قدمهم
_قعدوني غير طاهر الشباك يا اما مش هركب معاكو
_طفله
_خلاص يا سلمى انزلي خليها تركب غير طاهر الشباك لا تتقمص وتركب ميكروباص تاني
نزلو الاتنين من الميكروباص وطلعت انا قعدت غير طاهر الشباك بعدين هما طلعو قعدو جنبي كل ده كان تحت نظرات الشاب اللي ورا
_مش هتكبري بقا يا بت انتي
_لاء
_عملتي اي طيب طمنينا
_كله تحت السيطره
فضلنا قاعدين شويه لحد ما الميكروباص إنجاب والسواق بداء يسوق كان شويه ووصلت انا عشان انا بيتي قبل بيت صحابي سلمت عليهم ونزلت ونزل معايا الشاب اللي كان معايا في الميكروباص
مشيت وهو ماشي ورايا كذا شارع امشي منو والاقيه ورايا قلقت أكيد هيخفطني
اتجرات ولفيت ليه
_انت عايز اي ماشي ورايا ليه يا بادر
_افندم
_ماشي ورايا ليه؟
_مش ماشي وراكي أنا مروح بيتي
_من ساعت مانزلت من الميكروباص وانت ورايا بيتك ده عندنا في البيت مثلآ؟؟
_ما قولت مش ماشي وراكي اكيد صدفه
_تمام
قولتها ووقفت استنيتو يمشي هو بعدين مشيت انا
دخلت الحاره بتاعتنا وكالعادة قلقت من الكلاب والأطفال عدوني منهم
شوفت محل عمو ابو زين مفتوح
رجعو!
من ساعت ما سافرو المحل متفتحش اكيد رجعو
جريت عليه
_عمو يا عمو انتو جيتو
خرج عمو من المحل
_حور صح؟
_ايوا انا حور وحشتني اوي يا عمو
_كبرتي يا عفريته وانتي كمان وحشتيني اوي
_ده بابا هيفرح اوي لما يعرف انكم رجعتو هروح اقولو ولا اقولك تعالى معايا
_عارف عارف من الصبح وفطرنا سوا وشربنا الشاي ومامتك وام زين نزلو السوق وبيحضروا الغدا ولسه فاتح انا وابوكي المحل
_يااه يعني انا اخر من يعلم
_بظبط كدا
_مش مهم المهم انكم رجعتو نورتو المنطقه كلها
قولتها وانا بدور ب عيني عليه مش شايفاه ليه مجاش معاهم ولا اي
