روايه سيلا وزين كامله

يعنى انا مېته اقعد معاك فى نفس الاوضه الحمدلله ربنا نجدنى وابتسمت قالتله تمام شكرا ومشيت
زين استغرب وقال  مجنونه دى ولا ايه شكلها عندها انفصام ولا ايه وطلع 
طلعت سيلا وقفلت الباب عليها وفجأه بتلف بتلاقى وبتصوت......
يتبع
الفصل الثالث
سيلا قفلت الباب عليها وفجأه بتلف بتلاقى كلب قدامها وبتصوت وبتطلع بسرعه بره وتقفل ومخضوضه وعيطت طلع زين على صوتها وبيضحك ومش قادر من الضحك وسيلا ادايقت منه لانه بيضحك عليها بس ركزت فى ضحكته وقعدت تقول فى سرها يالهوى يخربيت ضحكتك مانت حلو اهو اومال فى ايه وبعدين قالت ايه اللى بقوله ده عيب كدا وبعدين لا لا دا مش استايلى وفاقت على أنه بيقولها بغرور  انا عارف ان ضحكتى حلوه بس مش للدرجادى 

سيلا اتكسفت بس اتكلمت پغضب وعصبيه  لا مش حلوه خالص وبعدين انت ازاى تعمل كدا حرام عليك علفكرة واتكلمت بدموع وببراءه  انا بخاف من الكلاب وكان ممكن يغمى عليا واقطع الخلف بسببك منك لله منك لله كشفت راسى ودعيت عليك 
زين بيضحك تانى وبيقولها  انتى مجنونه يا بنتى شكلك انتى اللى عندك انفصام والله بس مش مهم وقرب منها وبيقولها بس شكلك قمر اوى وانتى زى الطفله كدا وغمزلها
سيلا بكسوف وتوتر وبتبعد  انت ايه اللى بتعمله ده يا يا انت اوعى كدا عيب وبعدين اهو انت اللى عندك انفصام انت مش كنت من شويه متعصب وواحد تانى انت هتجننى ولا ايه وحطت ايدها على دماغها وقالت يالهوى هيجننى بدرى بدرى يا صغيره على الهم يا لوزه اهئ اهئ يلا مش مهم بقا اخد فيك ثواب وخلاص 
زين  والله انا اللى شكلى هتجنن بسببك تعالى يا مصيبتى ومسكها من قفاها زى الارنب كدا وقالها على اوضتى فورا وزقها برجله زى ما عمل كركر بالظبط فى الفيلم كدا 
وقفل عليها وقالها مسمعش حسك بقا هروح اخرج ريمى اسم الكلب
واجيلك وراح اخده وطلع 
وهى قعدت تتفرج على الاوضه واد ايه هى حلوه ومنسقه وفيه صور ليه كتير فبتقول بيحب نفسه اوى مش عارفه على ايه دا ولسه هتكمل قاطعها ودخل بيقولها كنتى بتقولى ايه بقا 
سيلا بتوتر  هاا انا انا كتت بقول انى لازم أمشى بقا وجات تهرب مسكها بسرعه وقالها  على فين يا قمر هو دخول الحمام زى خروجه وبيغمزلها 
سيلا برقت وقالتله  قصدك ايه وبعدين ابعد كدا لخلى امه لا اله الا الله تتفرج عليك دلوقتى 
زين بضحك  وهتقوليلهم ايه بقا 
سيلا  ما بلاش لاحسن هتزعل 
زين  ورينى هتزعلينى ازاى 
سيلا  طيب انت اللى اخترت وعيطتت جامد وبصوت عالى تمثيل يعنى
زين اتخض وقالها  فيه ايه ايه يا بنتى مالك
سيلا لسه مكمله عياط وبتشاور الناحيه التانيه عشان يبص وكدا فبيبص قامت جريت بسرعه وقالتله  سلام يا مغفل نيهاهاهاها 
وجريت وهو ضحك وقال يا بنت الايه بتضحكى عليا طب اصبرى عليا 
سيلا عماله تضحك وتقول يخربيت ذكائى والله الحمدلله انى بعرف امثل دانا هجننه واخليه يخف على يدى ولسه هتنزل تاكل بتلاقى اللى....
استغفروا
عند عيله سيلا 
مروه  بقا يا بابا رايح تجوزها واحد قمر بدل ما تجوزهولنا بجحه اوى البت دى
ابوها  متعرفيش اللى هيحصلها اسكتى الحلو مش بيكمل دا عنده انفصام يعنى الصبح يبقى حاجه وبليل حاجه 
هبه  مش مهم يا بابا المهم معاه فلوس وهيدلعها 
امهم  ما خلاص بقا كويس اننا خلصنا وارتاحنا منها احنا هنستنفع منها بردوا 
مروه وهبه  ازاى 
امهم  هقولكوا وقالتلهم.......بس كدا فهمتوا 
ابوهم  والله وطلعتى مش سهله يا حبيبتى 
مامتهم  عيب عليك دانا مراتك بردوا وبصت بخبث كدا
يتبع
الفصل الرابع
سيلا لسه هتنزل عشان تاكل لقت اللى واقفه قدامها اتخضت ورجعت لورا شويه كدا وقالتلها  انتى مين وازاى تدخلى هنا وبعدين انتى اصلا ازاى تقفى ورايا كدا
البنت بضيق  خلصتى انا سوزى حبيبه زين 
سيلا ادايقت بس مبينتش وقالتلها  وبتعملى ايه هنا بقا يا اسمك ايه انتى ولا متعرفيش ان زين اتجوز خلاص يلا يا شاطره من هنا لاحسن الغبطلك وشك اللى مش باين منه ملامح اصلا
سوزى بعصبيه  انتى اتج ولسه هتكمل جه زين وبيقول  فى ايه وايه اللى جابك هنا يا سوزى وازاى متقوليليش قبل ما تيجى 
سوزى بدلع  الله هو انا محتاجه اذن يا زيزو وبتغمزله 
زين بعصبيه  اتعدلى بدل ما اعدلك ايه زيزو دى وبعدين اتنيلى قولى انتى كنتى جايه ليه وانتى يا سيلا خشى على اوضتك
سوزى  لا استنى انا لسه مخدتش حقى اصلا انتى ازاى تكلمينى كدا خدلى حقى منها بقا 
سيلا بيبصلها بقرف وعايزه تجيبها من شعرها البجحه دى وبتقول  ياخد حقكك من مين يا بتاعه انتى يلا من هنا بقا وشدتها وبتجرها وبتنزلها من على السلم وزين بيقولها  سيلا سيلا اقفى عندك وقام بيجرى عشان يجيب منها سوزى بس هى طلعتها وقالتلها  مشوفكيش هنا تانى انتى فاهمه وقفلت فى وشها البت ادايقت واتعصبت وقالت  انا هوريكى يا بتاعه انتى وهعرفك ازاى تطلعينى بره تانى ومشيت 
زين مسك ايد سيلا بعصبيه وبيقولها  انتى اټجننتى انتى ازاى تعملى كدا ثم مين انتى 
سيلا ببرود  مش انت اللى هتقولى اعمل ايه فى بيتى ولو شوفتها هنا تانى هبلغ عنكوا انتوا الاتنين واوعى كدا وشدت ايدها منه وطلعت على فوق
زين اتعصب وقال بقا انا حتت بت زى دى ترد عليا وكمان متسمعش كلامى دانا هوريها قال هتبلغ عننا انا يتقالى كدا وبعدين مش دى اللى كانت عامله نفسها غلبانه ولا هى زيهم كلهم ولا ايه ماشى انا هعرف وبص بصه خبث كدا وطلع واخد عربيته ومشى 
اذكروا الله
عند سيلا فوق عماله تقول انا اتصرفت كدا عشان كرامتى لكن مش غيرانه ولا حاجه عشان دا جوزى ودا بيتى وبعدين قالت جووز ايه اللى بقوله ده انا اصلا مش طيقاه ومستحمله بس عشان مرجعش تانى لعيلتى كل ده بسببهم حرام عليهم بجد بس انا مش هرجع تانى زى زمان من النهارده واحده جديده خالص وفجأه بيرن الجرس اه عايزه اقولكوا ان مفيش داده فى القصر دا كله وهنعرف ليه بعدين فاستغربت سيلا وبتقول مين تانى وقالت هنزل اشوف بسرعه لاحسن تكون جات ام بوهيه دى تانى وهو اللى يفتح ماهى متعرفش انه مشى ونزلت تفتح ملقتش حد بس لقت صندوق صغير على الأرض فاستغربت وخدته ودخلت وجايه تقفل الباب حصل.....
استغفروا
عند ابو زين 
طبعا هو
فى فيلا لوحده تانيه ما التانيه بتاعت ابنه جاله ابنه فباباه قاله  انت ايه اللى جابك يابنى النهارده ليله دخلتك وانت جاى وسايب مراتك 
زين  ډخله ايه يا بابا هو انت مصدق بجد اللى حصل 
ابوه  ايوه النهارده كان كتب كتابك انت ازاى تيجى وتسيبها واوعى اوعى يا زين تزعلها انت فاهم 
زين  انت عارف انى مبتهددش وانى اصلا هوريها وهيبقى كله بسببك انا قولتلك بلاش خلينا نشوف هتستحمل ولا لا 
ابوه  زين دى زى بنتى بالظبط