روايه بنت الرعد بقلم رحمه سامى

يا دكتور في اسرع وقت هنعملهم ونيجي لحضرتك. 
مشي الدكتور وبرق دخل قعد جانب ملك ومسك ايدها انا مش هسمح يحصلك حاجه يا ملك.... مش بعد كل دا تسبيني.... انا بحبك ومقدرش اعيش من غيرك.... انا ضحيت بكل حاجه عشان نكون سوي.... وانتي وعدتيني نكمل حياتنا كلها سوي.... قومي يا ملك لازم تقفي علي رجلك عشاني وعشان ابننا.

عند رعد رجع البيت في وقت متاخر....
رعد داده هي ملك نزلت اكلت ولا لا. 
داده سعاد لا يا ابني مخرجتش من اوضتها خالص... ولا حته رضيت تنزل تاكل مع زياد. 
رعد طيب يا داده جهزي الاكل وانا هجبيبها وهنزل علي طول. 
طلع رعد الاوضة وبص من المرايا شاف اسيل قاعده علي السرير بټعيط راح خبط علي الباب انا عارف انك صاحي افتحي الباب. 
اسيل انا عايزة انام لو سمحت.... نتكلم بعدين. 
رعد بقولك افتحي الباب بدل ما افتحه انا يا ملك. 
اسيل ملك ملك ملك.... ربنا يسامحك يا ملك انتي وبابا.... حاضر جاية. 
رعد ما كان من الاول.... يلا انزلي عشان ناكل سوي. 
اسيل انا مش جعانه روح كول انت واشبع. 
رعد انا سبق وقولتلك مش بحب اكرر كلامي مرتين.... يلا عشان ناكل. 
اسيل رعد انا عايزاك تطلقني.... انا منفعكش صدقني. 
رعد انا قولتلك مش هنطلق.... اقفلي الموضوع دا ويلا انزلي قدامي بقي. 
اسيل بس انا مش عايزة اعيش معاك هو بالعافية يا اخي. 
رعد صوتك ميعلاش تاني ويلا قولتلك خلينا ناكل. 
اسيل يووه طب انا عايزة انزل شغل.... انا مس بحب قاعده البيت دي... وعشان انا بحب الطبخ هشتغل مع زين في المطعم. 
رعد بزعيق انا قولتلك متجبيش سيرة راجل تاني علي لسانك انتي مبتفهميش.... ومفيش شغل. 
اسيل قولتلك مش بحب قاعده البيت دي. 
رعد يبقي هتشتغلي معايا في المكتب من بكره.... غير كدا معنديش كلام تاني. 
ومسك ايدها ونزلوا تحت اكلوا ولما خلصوا... اسيل طيب يا رعد انا موافقة لما نشوف اخرنها. 
رعد ابتسام الساعه سته الصبح تكوني جاهزة.
تاني يوم الصبح وهما في العربية رعد طلع علبة وقال البسي الخاتم دا.... انا نسيت ادهولك امبارح.... وياريت تلتزمي بحدودك مع الموظفين. 
اسيل خاتم جواز.... كنت فكراك مش بتهتم بالحاجات دي. 
رعد دا بس عشان شكلي قدام الناس. 
وصلنا الشركة واول ما دخلنا المكتب دخلت مايا انا بقالي كتير مستنياك يا رعد اتاخرت ليه. 
رعد انتي بتعملي اي هنا يا مايا وعايزة اي. 
مايا بخبث هو جدك مقالش اني هشتغل معاك علي الصفقة الجديده باسم شركتي. 
رعد لا مقاليش.... انتي مش هتبطلي حركاتك دي.... عموما تمام نورتي الشركة... ملك روحي هاتيلي نسكافية. 
اسيل پغضب انا جاية استلم شغلي مش جايه اعمل نسكافية... اتفضل قولي هشتغل اي. 
رعد بابتسامه انتي السكرتيرة الخاصة بتاعتي ومكتبك هنا مع مكتبي اتفضلي نفذي اللي طلبته منه. 
مايا بعد ما قعدت وحطيت رجل علي رجل وانا كمان عايزة نسكافية بلاك. 
اسيل انا سكرتيرة جوزي مش خدامه عندك... هبقي ابعتلك الفراش يشوفك تشربي اي. 
رعد وهو فرحان من كلمة جوزي ابتسام يلا يا ملك ومتتاخريش. 
خرجت اسيل ومايا قالت انت مستحمل الشئ دا ازاي بجد. 
رعد ياريت تتكلمي عنها باحترام.... دي مراتي وغيرانه عليا فيها اي دي.... خلينا نشوف شغلنا. 
مايا پحقد ماشي يا رعد. 
اسيل وهي بتعما النسكافية دخلت منه وقالت اي دا هو انتي حقيقيه ولا عروسة لعبة. 
اسيل اي في اي مالك.... ايوة يا حبيبتي انا ملك سكرتيرة مستر رعد. 
منه نورتي الشركة يا حبيبتي... وانا منه سكرتيرة مستر مراد.... قوليلي هي مين الحلوة اللي مع مستر رعد. 
اسيل دي انسة مايا شغاله علي المشروع الجديد. 
منه انا سمعت انها كانت حبيبته زمان ورجعت دلوقتي عشان تسرقه من مراته. 
اسيل بغيرة قولتيلي بقي... ماشي يا منه هروح لمستر رعد عشان متاخرش. 
اسيل اول ما دخلت قربت من مايا عشان تديها النسكافية راحت موقعه عليها اوبس سوري يا حبيبتي مكنش قصدي. 
مايا انتي غبيه اي اللي عملتيه دا بوظتي الفستان انتي عارفه بكام. 
اسيل هو مش بسعر الفستان... دا باللي لابسه يا حبيبتي... القالب غالب. 
مايا انا همشي يا رعد وهاجي بكره نكمل كلامنا خلاص يومي اتقفل. 
خرجت مايا وجت اسيل تخرج شدها رعد ممكن اعرف اي اللي عملتيه دا. 
اسيل عملت اي قولتلها مكنش قصدي محصلش حاجه يعني. 
رعد والله دا انتي الغيرة باينه عليكي اوي شكلك وقعتي يا ملك ولا اي. 
اسيل غيرة اي انت بتحلم.... انت اصلا مش زوقي خالص... سبني بقي خليني اشوف شغلي. 
رعد اتغاظ وراح مقرب وباسها وبعدين قال تقدري تروحي تشوفي شغلك. 
اسيل اتغاظت وبسرعه راحت قعدت علي مكتبها.
عند برق حاول يقنع ملك تروح تعمل الاشعة والتحاليل بس هي كانت رافضة وبقي مجبور ياخد عينه من ډمها.... وراح هويد يعمل التحاليل عشان لو اتاكد ساعتها ليه كلام تاني معاها.
ملك برق مالك يا حبيبي راجع مضايق ليه من بره... انا كويسه اهو والله. 
برق ملك انتي خلاص ھتموتي. 
ملك پصدمة برق بطل هزار اي اللي بتقوله دا انا مش بحب المقالب دي. 
برق بدموع انتي لازم تتعالجي او هتروحي مني عشان ابننا يا ملك وافقي.... انتي عندك کانسر في مرحلة متاخرة
ملك مكنتش مصدقة وراح مغمي عليها من الصدمة... برق بسرعه شالها وطلع بيها المستشفي.
عند اسيل كانت شغاله علي مكتبها وفجاه دخل واحد المكتب ورعد مكنش موجود واول ما شافها قرب منها بشړ وفجاه.......
ياتري مين الشخص دا وعايز اي من اسيل.... ومايا ناوية تعمل اي..... واي هيحصل مع ملك وبرق...... 
بنت الرعد. 
الفصل السابع.
قرب الجد بشړ من اسيل انتي بتعملي اي هنا.... ورعد فين وازاي ينزلك الشركة من غير ما ياخد اذني. 
اسيل پخوف عاصي بيه انا هنا بشوف شغلي... ورعد اللي صمم اني اشتغل هنا... حضرتك تقدر تتكلم معه هو. 
العاصي بشړ انتي مكانك البيت وبس... انا جوزتك رعد عشان تجبيلي حفيد يشيل اسم العيلة... مش عشان تشتغلي وتقعدي بين الموظفين. 
اسيل بس الست مش عيب تشتغل وانا اقدر اجيب الحفيد واشوف شغلي. 
العاصي انتي كمان بتردي عليا... شكلي اخدت قرار غلط في الجوازة دي. 
اسيل بقوة مصطنعه حضرتك فعلا غلطان.... مكنش ينفع تجبر حفيدك علي حاجه مش عايزها.... وطبيعي تكون النتيجة مش حلوة... وبتمني ظني يخيب. 
العاصي بزعيق انا كلامي مش هيكون مع عيله زايك... رعد فين اتصلي ليه حالا. 
مسكت اسيل التلفون وبلغت رعد ان جده موجود نهي رعد الاجتماع بسرعه وجه لجد خير يا جدي حضرتك معرفتنيش ليه انك جاي. 
الجد رعد انا عايز اتكلم معاك لوحدنا... اطلب من مراتك تخرج بره لو سمحت. 
رعد استغرب وفيها اي لما تتكلم قدامهم يا جدي.... ملك
مش غريبة دي مراتي... واظن انها اختيارك قول اللي انت عايزوت قدامها عادي. 
الجد پغضب بقولك