قصتي انا
خﻻص متبوصيش كدا اصلي بخاف اعملي
عصير وهاتيه الله يكون في عون اللي هيتجوزك
منار..قال هتجوزه قال والله ﻻطفشه
عملت العصير ودخلت مبوزه ووشها ف الارض
وعمر اول لماشافها قلبه وقع وضرباته زادت وقال في
نفسه ماشاء الله تبارك الله طلعت احلي من اللي كنت
متوقعه بنت بيضه جميله عيونها زرقة وصافيه ومكحله
بدون كحل شفايفها حمره بدون روج خدودها اكنها ورده
حمرا كلمة جميله ماتوصفش حاجه من جمالها
حطت العصير علي الطربيزه وفوجئت باللي بتقول لها منار
منار..الصوت دا مش غريب عليا ضربات قلبها
زادت ورفعت عنيها ببطئ لقتها منى طلعت
تجري عليها واخدتها ف حضنها وقعدت تبكي
منار..مني حبيبتي وحشتيني متسأليش عليا الفتره دي كلها موحشتكيش طيب
مني..منار حبيبتي انتي اكتر والله وحشتيني
مoت وكان نفسي اتصل عليكي بس قلت
انزلك احسن شوفتي انا جبتلك ايه معايا
بصي النحيه دي
منار بتبص لقت عمر بيبصلها نظره جميله مع
ابتسامه رائعه فضلت مصدومه لفتره طويله ومش مصدقه انها شايفاه قدامها محستش بالوقت ولا بالمكان
وفجأه منار فاقت من الصدمه وافتكرت انها من غير نقاب
خبت وشها بسرعه بإديها وادارت وشها النحيه
التانيه وقالت ينهاري ايه دا انا من غير نقاب
الله يسامحك يامحمد مش تقول ان الأستاذ عمر هواللي هنا
محمد..منار دا العريس اللي جاي يشوفك بيقولها وهو
بيشيل ايدها من علي وشهاومسكها من ايدها وقعدها
في كرسي قدام عمر قعدت ووشها ف الارض
مني..حبيبتي عمر جاي يخطبك
منار..يخطبني انا ؟وسوزى ؟
مني احنا نسيبكم مع بعض وهنقعد في الصاله
انا وعمو والشيخ محمد عندكم قهوه ياعمو ولا ايه مش هتشربونا
ابومنار.. ايوا عندنا ليه هو انتي بتعرفي تعملي قهوه
مني..انا بعرف اعمل كل حاجه وبطبخ كمان
ابومنار..ومخطوبه علي كدا
مني.. وﻻ مخطوبه وﻻمتجوزه ياعمو عندك عريس ليا بقي
ابومنار..وهو بيبص علي محمد ايوا عندنا احلي عريس
.............
عمر..منار اخيرا شوفتك بس بصراحه احلي
من الصوره اللي كنت راسمهالك
منار..منار وشها بقي احمر شديد الحمره
