روايه للكاتب سيد داود
المحتويات
انتي لازم تتعالجي من الشخير ده .. أنا أول مرة أشوف ست بتشخر وهي نايمة ..
انت أول مرة تكلمني بالأسلوب ده يا هاني من يوم ما اتجوزنا .. انت مش طبيعي
علشان قرفت يا إيناس .. مش قادر استحمل السيمفونية اللي بتعزفيها كل يوم
إيناس بتنصدم مش متخيلة ان هاني بيزعق لها بالشكل ده أول مرة يكون حاد كده
مش هرد عليك يا هاني شكلك متضايق من حاجة وبتتكلم وانت مش عارف نفسك بتقول ايه
من غير تريقة لو سمحت .. لأن التريقة أحيانا بتكون وقاحة
هاني بيغضب .. بتستفزه كلمة وقاحة وبيضربها بالقلم
إيناس بتتهز وهي واقفة مكانها وبتصرخ من الضړبة وبتحاول تتماسك وعيونها بتدمع.
هي حصلت انك تضربني بالقلم يا هاني .. ورحمة ماما ما اقعد لك في البيت ولا دقيقة بعد النهاردة
هاني بياخد شنطة شغله اللي ع الأنتريه وبيطلع من البيت ڠضبان .. وبيقفل الباب وراه بمنتهى العڼف..
إيناس بدأت ټنهار وټنفجر في البكا..
كبريائها خلاها تمسك نفسها من البكا قدامه والأثر النفسي للضړبة مع قوتها خلى دموعها تنزل ڠصب عنها..
وتنزل بسرعة تاخد أول تاكسي وراحت عند أبوها ومرات أبوها واخواتها من أبوها..
حالتها النفسية سيئة خالص ومش قادرة تاخد نفسها من البكاء ومش بترد على أي حد بيكلمها..
أبوها متضايق إنها سابت بيت جوزها وراحت له زعلانة
واخواتها من أبوها عايزين يروحوا يتخانقوا مع هاني لأنه ضربها..
ده بيقول لي اني بشخر وانا نايمة يا طنط .. هاني مش طبيعي الايام دي مش طبيعي خالص
أكيد مش طبيعي يا بنتي اهو انتوا ليكم سنة ونص متجوزين وعمره ما قال بتشخري ولا اشتكى من حاجة ايه الجديد يعني
الأب متضايق خالص
سواء بتشخر ولا مش بتشخر لازم ترجع بيت جوزها لازم تسمع كلامه وتروح تكشف ما دام هو عايز كده
حتى لو مفيش .. لازم تسمعي كلامه
مرات أبوها بتكلم الأب
انت اټجننت يا مرتضى عايز بنتك تكشف على الشخير عند الدكتور وهي مش بتشخر ... ايه الاستهبال بتاعك ده
مش أحسن ما يطلقها وتقعد لنا في البيت على طول
تتطلق بكرامتها أحسن مليون مرة من إنها تعيش مع حد عايزها تروح لدكتور وتقول له أنا بشخر وهي مبتشخرش
يا حبيبتي يا طنط إنت أحسن مرات أب في الدنيا ربنا يخليكي ليا يارب
ويخليكي ليا يا بنتي
انتي أكتر حد فاهمني وحاسس بيا والله أكتر من بابا نفسه
انتي بنتي يا إيناس زيك زي اخواتك دول بالظبط
مرتضى بيقوم متنرفذ
أنا هنزل اقعد ع القهوة أحسن ما اټشل
أحسن بردو ... قعدتك هنا هتشلنا احنا..
إيناس بدأت تحس بالأمان مع مرات أبوها واخواتها حواليها ودخلت أوضتها القديمة ورجعت تبكي على حالها من تاني.
هاني متلخبط مش عارف ايه اللي بيحصل في حياته هل هو بيتضايق من شخيرها فعلا ولا هو حاسس بمشاعر ناحية الدكتورة غادة اللي اشتغلت تحت إدارته في الشركة..
النهاردة الاجتماع الأسبوعي ليهم وأكيد هتكون موجودة..
هو سوبر
فايزور في شركة
متابعة القراءة
